Mundua -
EAEko jantokietako greba
Sindikatuak: 'Enpresek ez dute gatazka konpontzeko presarik'
Eusko Jaurlaritzak jantokietako sindikatuen ordezkariei ohartarazi dienez, enpresekin akordioren bat adosten ez badute, baliteke abian jarritako hobekuntzetako baten bat bertan behera uztea.
Erredakzioa
EAEko eskola publikoetako jantokietako sindikatuen hitzetan, "enpresek ez dute sektoreko gatazka konpontzeko presarik".
Euskal eskoletako jantokietako langileek manifestazioa egin dute gaur goizean Bilbon; manifestazioa Moyua Plazatik atera da.
LAB sindikatuko ordezkariaren hitzetan, patronalaren proposamenak "ez du ahalegin handirik suposatzen enpresentzako"; izan ere, "familien eta Eusko Jaurlaritzaren diruarekin mantentzen da".
"Egun eurek ez dute gatazkan konpontzeko ahalegin ekonomikorik egin", esan dute.
Langileen esanetan, irtenbidea negoziazio mahaian eman behar da, eta ez gatazka konpontzeko jardunbide baten bidez.
Gatazkari irtenbide bat bilatzeko asmoz, gaur eta bihar kalera aterako dira eskoletako haurren senideak.
EAEko gurasoen elkartearen (EHIGE) iturrien arabera, Gipuzkoako eskoletako ikasleen gurasoak gaur arratsaldean atera dira kalera eskolak bukatzean, eta bihar Bizkaikoek egingo dute.
Enpresek joan den ostiralean hitz egin zuten agiri baten bidez. Bertan produktibitate ordain bat proposatzen zutela adierazi zuten, eta hori "eman ahal zuten guztia" zela esan zuten.
