Frantziak 4.897 koronabirus kasu atzeman ditu azken 24 orduetan

Gaitzak azelerazio joerari eutsi dio Frantzian. 30.000 hildakotik gora izan dira herrialdean pandemia hasi zenetik.

Frantziako herritarrak Parisen, PCR probak egiten dituen laborategi baten atarian. Argazkia: EFE

AGENTZIAK | ERREDAKZIOA

publikatuta: 2020/08/23 22:13 (UTC+2)

azken eguneratzea: 2020/11/10 09:36 (UTC+1)

Azken 24 orduetan 4.897 kasu positibo gehiago atzeman dituzte Frantzian (aurreko egunean, berriz, 3.602), Frantziako Osasun Ministerioak jakitera eman duenez. Pandemiak azelerazio joerari eutsi diola erakusten dute datuek.

Gainera, koronabirusa zuen pertsona bat hil da azken 24 orduetan. Pandemia hasi zenetik, 30.513 lagun hil dira Frantzian.

Kutsatuen kopuruak ere gora egin du, % 3,6koa da, eta 32 agerraldi gehiago atzeman dituzte, Osasun Ministerioak azaldu duenez.

Ospitaleratzeei dagokienez, apur bat egin du behera, eta 4.709 pertsona daude egun erietxeetan (aurreko egunean baino bi gutxiago). Horietatik 383 zainketa intentsiboetan daude, azken balantzean baino hiru gehiago.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu dira; beraz, agintariek emandakoei bakarrik egin kasu. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu COVID-19a ez hedatzeko modurik eraginkorrena eskuak sarri garbitzea dela. Ahoa estaltzeko maskarak derrigorrezkoak dira EAEn uztailaren 16tik, eta Nafarroan, uztailaren 17tik. Iparraldean, "espazio publiko itxietan" derrigorrezkoa da uztailaren 20tik.

Hau zure interesekoa bada, baliteke beste gai hauek ere izatea

Nazioartea Frantzia Gaixotasunak Eguneko albisteak Albisteak Osasun albisteak Koronabirusa Macronen Gobernua

Frantziak 4.897 koronabirus kasu atzeman ditu azken 24 orduetan

Esteka kopiatuta