Publizitatea
Itxi

2020/10/26

11:05

Mundua

KORONABIRUSA

Italiako tabernak eta jatetxeak 18:00etan itxiko dituzte

AGENTZIAK | ERREDAKZIOA

Gainera, antzokiak, zinema aretoak, gimnasioak eta igerilekuak itxiko dituzte. Murrizketa neurri berriak azaroaren 24ra bitartean egongo dira indarrean.

  • Erroma erdiguneko terraza bat

    Erroma erdiguneko terraza bat. Argazkia: EFE

  • Whatsapp
  • Whatsapp
  • Telegram
  • Bidali

Italian, Giuseppe Conte lehen ministroak murrizketa berriak iragarri ditu koronabirusaren bigarren olatua apaltzen saiatzeko. Neurri horien artean daude, antzokiak, zinema aretoak, gimnasioak eta igerilekuak ixtea, eta tabernak eta jatetxeak, ostera, 18:00etatik aurrera ixtea. Neurriak gaur hasi eta azaroaren 24ra arte egongo dira indarrean.

"Denok arau berri horiek errespetatzen baditugu, azaroan kutsatzeen kurba kontrolatu ahal izango dugu eta Gabonei lasaiago begiratu", adierazi zuen atzo Giuseppe Conte lehen ministroak dekretu berria azaltzerakoan.

Contek Ministroen Kontseilua deitu du gaurko, murrizketa neurriek kalteturiko sektoreak babesteko laguntzak aztertzeko.

Herrialde osorako etxeratze agindua onartu ez badute ere, eskualdeek jende pilaketak egon daitezkeen guneak itxi ahal izango dituzte 21:00etatik aurrera. Dena dela, etxeratze agindua dute Lazion (Erroman barne), Campanian, Sizilian, Calabrian eta Lombardian.

Jatetxeak, tabernak, pubak, izozki dendak eta gozotegiak 05:00etatik 18:00etara ireki ahal izango dituzte, igande eta jaiegunak barne. Mahai bakoitzean gehienez ere lau pertsona eseriko dira, bizikideak ez baldin badira. Gainera, etxerako zerbitzua eskaini ahal izango da eguneko 24 orduetan.

Halaber, guztiz itxiko dituzte gimnasioak, igerilekuak, bainuetxeak, kultura zentroak, zentro sozialak, bingoak eta kasinoak eta jolas parkeak.

Bestalde, antzokiak, zinema aretoak eta kontzertu aretoak itxita egongo dira, aire zabalean daudenak barne.

  • Bisitatuena

      Kargatzen ikusiena
      Kargatzen ikusiena