Publizitatea
Itxi

2021/02/24

10:50

Mundua

INDARKERIA

75 pertsona hil dira Ekuadorko lau espetxetan izandako matxinadetan

EITB MEDIA

Istiluak hainbat talde kriminaletako presoen arteko liskar baten ondorioz gertatu dira.

  • Turiko espetxearen ikuspegia

    Turiko espetxearen ikuspegia. Argazkia: EFE

  • Whatsapp
  • Whatsapp
  • Telegram
  • Bidali

75 preso hil dira Ekuadorren, banden arteko liskar baten ondorioz izandako lau matxinaden ondorioz.

Ekuadorko Gobernuaren arabera, erakunde kriminalek "hitzartu" zuten ekintza, "indarkeria sortzeko" helburuarekin.

Ekuadorko prentsak jakitera eman duenez, gertakariaren jatorria 2020ko abenduan 'Los Choneros' taldeko burua, 'Rasquiña', hil izana da, talde ezberdinen arteko espetxeetako talde kriminalen artean botere hutsunea utzi baitzuen.

"Berehalako erreakzioa espero genuen, baina gaur arte atzeratu da", azpimarratu du Edmundo Moncayo Askatasunaren Helduen eta Nerabe Arau-hausleen Arreta Integralerako Zerbitzuko (SNAI) zuzendariak.

Agintariek Guayaquil, Itsasertzeko Espetxea, Turi eta Cotopaxi zentroetan istiluak izan direla baieztatu dute, eta Poliziaren talde taktikoak zabaldu dituzte indarkeriari aurre egiteko. Militarrak ere zabaldu dituzte zentroetatik gertu, operazioan laguntzeko.

Moncayoren hitzetan, hildakoen artean ez dago poliziarik, baina bai zaurituen artean. Hildakoei dagokienez, 33 Turiko espetxean hil ziren, 28 Guayaquilekoan, 8 Latacungan eta 6 Itsasertzeko espetxean.

Poliziak istiluak kontrolatzea lortu zuela zirudienean eta zentro horietatik erretiratzen ari zenean, indarkeria suspertu egin da berriro.

Moncayoren arabera, herrialdeko kartzela sistemak hainbat bandaren parte diren 38.000 preso ditu, besteak beste, 'Los Choneros', 'Los Lagartos' eta 'Los ChoneKillers' matxinadaren arduradunak. Azaldu duenez, talde kriminal horietako batek aurrea hartu die etsaien talde batek haien aurka egiteko zituen planei, lehen kolpea beraiek emanez, eta horrek kate-erreakzioa eragin du hainbat espetxetan.

  • Bisitatuena

      Kargatzen ikusiena
      Kargatzen ikusiena