Publizitatea
Itxi

2021/03/15

07:11

Mundua

ALEMANIA

Merkelen CDU alderdiak porrot gogorra jaso du eskualdeko hauteskundeetan

EITB MEDIA | AGENTZIAK

Berdeak nagusitu dira Baden-Württembergen eta sozialdemokratak, ostera, Renania-Palatinatuan. Sei hilabete barru egingo dituzte hauteskunde federalak Alemanian eta Merkel ez da hautagai izango.

  • Susanne Eisenmann CDUko hautagaia Baden-Wurttenberg eskualdean

    Susanne Eisenmann CDUko hautagaia Baden-Wurttenberg landerrean. Argazkia: EFE

  • Whatsapp
  • Whatsapp
  • Telegram
  • Bidali

Alemanian, Angela Merkel kantzillerraren CDU alderdiak bi porrot gogor jasan ditu asteburuan, Renania-Palatinatua eta Baden-Württemberg landerretan egindako hauteskundeetan. Irailean egingo dituzte hauteskunde federalak Alemanian, eta Angela Merkel ez da hautagai izango.

Berdeak izan dira alderdi bozkatuena Baden-Württemberg eskualdean, botoen % 32,8 eskuratuta. Renania-Palatinatuan, ostera, SPD Alderdi Sozialdemokrata nagusitu da, botoen % 35,7rekin.

CDU alderdia, ostera, irabazleengandik oso urrun gelditu da. Baden-Württemberg eskualdean botoen % 23,6 lortu du eta Renania-Palatinatuan, berriz, % 26,5. Bi landerretan inoiz lorturiko emaitzarik txarrenak dira. Merkelen ondorengo arorako lider sendorik gabe, eta ustelkeria kasuek eta pandemiaren kudeaketak ahulduta iritsiko da iraileko hauteskundeetara.

AfD eskuin muturreko alderdiak nabarmen egin du behera bi eskualdeetan. Baden-Württembergen botoen % 10,1 bereganatu du eta Renania-Palatinatua, % 8,3.

Hauteskunde federalak irailean

CDUk eta CSU Batasun Kristau Demokratikoak iraileko hauteskunde federaletarako hautagaitza bateratua adostu behar dute oraindik. Barne borroka zabalik dago Armin Laschet CDUko liderraren eta Markus Söder CSUko buruzagiaren artean.

Ustelkeria kasuak bata bestearen atzetik lehertzen ari dira CDUren baitan.

Dena dela, pandemiaren kudeaketa eta txertaketa kanpainaren geldotasuna aurpegiratzen diote alemaniarrek gobernuari. 

  • Bisitatuena

      Kargatzen ikusiena
      Kargatzen ikusiena
    ;