Gutxienez hildako bat eta zauritu bat institutu batean izandako tiroketan, Tennesseen

Azken orduetan tiroketa izan da Ameriketako Estatu Batuetako institutu batean, eta bigarren hezkuntzako ikasle bat hil da. Tiroketa Knoxville udalerrian gertatu da, Tennessee estatuan.

Polizia Austin-East Magnet institutura joan da astelehen arratsaldean, zentroan pertsona armatu bat zegoela ohartarazteko dei bat jaso ostean.

David B. Rausch Tennesseeko Ikerketa Bulegoko zuzendariak prentsaurrekoan azaldu duenez, pertsona armatu bat komunetan gotortu da.

Bertsio ofizialaren arabera, biktimak uko egin dio komunetik ateratzeari, eta tiro egin die agenteei. Agenteek, orduan, tiroz erantzun diote, eta erasotzailea bertan hil da.

Agenteetako bat balaz zauritu da, eta ospitaleratu egin dute.

Knoxvilleko Poliziak zabaldutako ohar baten arabera, pertsona bat atxilotu dute, baina ez dute xehetasun gehiagorik eman.