Mundua -

HAUTESKUNDEAK PERUN

Pedro Castillok garaipena aldarrikatu du Peruko Presidentetzarako hauteskundeetan

Atzerriko botoen zain, eta botoen % 97,95 zenbatuta, ezkerreko hautagaiak botoen % 50,2 eskuratu ditu, eta Keiko Fujimorik, % 49,7. Azken horrek hauteskunde iruzurra salatu du.

Pedro Castillo bere jarraitzaileen aurrean, Liman. Argazkia: EFE
Pedro Castillo bere jarraitzaileen aurrean, Liman
Pedro Castillo bere jarraitzaileen aurrean, Liman. Argazkia: EFE

EITB MEDIA | AGENTZIAK

Whatsapp Facebook Twitter Telegram Email

Perun ez da boto zenbaketa amaitu oraindik, baina Pedro Castillo ezkerreko hautagaiak bere burua garaile aldarrikatu du herrialdean egin berri diren Presidentetzarako hauteskundeetan. Bigarren itzulian aurkari izan duen Keiko Fujimori eskuineko hautagaiak, ostera, iruzurra salatu du. Dena dela, bozak gainbegiratu zituzten hauteskunde organoek ukatu egin dute.

Lima hiriburuan bere jarraitzaileen aurrean egin duen hitzaldian, perutarren borondatea ez "orbantzeko" eskatu die Pedro Castillok hauteskunde agintariei, eta tentazioetan ez erortzeko eskatu die bere jarraitzaileei.

Ezkerreko presidentegaiak demokrazia eta Perun indarrean dagoen Konstituzioa errespetatu egingo dituela, eta egonkortasun ekonomiko eta finantzarioa lehenetsiko dituen gobernua bultzatuko duela iragarri du.

Dolarraren igoera, besteak beste, gainditu beharreko oztopo izango badute ere, herrialdeko enpresaburu nagusiek herriari babesa agertu diotela nabarmendu du.

Emaitza ofizialen arabera, botoen % 97,95 zenbatuta, Pedro Castillok botoen % 50,2 eskuratu ditu, eta Keiko Fujimorik, % 49,7.

Hau zure interesekoa bada, baliteke beste gai hauek ere izatea
Zer gertatzen ari da munduan? Eguneko albisteak Gaurko azken orduko albistea Latinoamerikako azken ordukoa Lima albisteak Hauteskundeak Arantxi Padilla azken ordukoa