Mundua -

Gatazka

Marokok hiru aljeriar hil ditu bonbardaketa batean

Aljeriako Gobernuak ohartarazi du hilketa horiek ez direla zigorrik gabe geratuko. Bi herrialdeen arteko harreman diplomatikoak abuztuan hautsi ziren.

AGENTZIAK | EITB MEDIA

Whatsapp Facebook Twitter Telegram Email

Aljeriako Gobernuak gaur jakinarazi duenez, Marokok hiru kamioilari aljeriar hil zituen azaroaren 1ean egindako bonbardaketa batean, Mauritania eta Aljeria artean bidaian zihoazenean.  

Gertakariak argitzeko ikerketa bat abiatu zuten, eta erasoaren atzean Mendabaldeko Saharan dauden Marokoko "okupazio indarrak" daudela ondorioztatu dute.

Bonbardaketa gauzatzeko erabili zuten "armamentu sofistikatua" Marokoko Armadarena dela ziurtatu dute.  

Aljeriako Presidentetzak ez du aurreratu zein neurri hartuko dituen, baina, horren hitzetan, hilketa horiek ez dira erantzunik gabe geratuko.

Aljeriak abuztuan hautsi zituen harreman diplomatikoak Marokorekin, eta igandean itxi zuen herrialde horretatik igarotzen den gasbidea.

Hau zure interesekoa bada, baliteke beste gai hauek ere izatea
Afrika Nazioartea Eguneko albisteak Albisteak Mendebaldeko Sahara Maroko