Mundua -
INGALATERRA
Hiru pertsona atxilotu dituzte Liverpoolen terrorismoa egotzita, hildako bat eragin duen leherketarekin lotuta
Leherketa igande honetan gertatu da, ospitaletik irten berri den taxi batean. Eztandaren ondorioz, pertsona bat hil eta beste bat larri zauritu da. Oraingoz, Poliziak zabalik ditu hipotesi guztiak.
AGENTZIAK | EITB Media
Azken orduetan, hiru pertsona atxilotu dituzte Ingalaterrako Liverpool hirian terrorismoa egotzita, leherketa baten ondorioz pertsona bat hil eta beste bat larri zauritu ostean.
Atzo goizean gertatu zen leherketa, ustez ospitaletik irten berri zen taxi batean. Bidaiaria tokian bertan hil zen, eta gidaria, ostera, larri eraman zuten ospitalera.
Bestalde, Poliziak 21, 26 eta 29 urteko hiru gizon atxilotu ditu terrorismoaren aurkako legea baliatuta.
Bertako agintarien esanetan, badaezpada, terrorismoaren aurkako unitateak hartu du bere gain ikerketa, eta oraindik "denbora" beharko dute leherketaren arrazoiak argitzeko. Oraingoz, Poliziak zabalik ditu hipotesi guztiak.