Mundua -

KORONABIRUSA

Zirkulazio librea ez kaltetzeko koordinazioa eskatu dute EBko herrialdeek, baina ez dute akordiorik lortu

Frantziak herrialdean sartzea debekatuko die Erresuma Batuko herritarrei. Greziak, Irlandak, Italia eta Portugalek, berriz, PCR negatibo bat eskatuko die bidaiari guztiei, baita covid ziurtagiria duten europarrei ere.

Bidaiariak Bilboko aireportuan. Artxiboko argazkia: EFE
Bidaiariak Bilboko aireportuan
Bidaiariak Bilboko aireportuan. Artxiboko argazkia: EFE

AGENTZIAK | EITB Media

Whatsapp Facebook Twitter Telegram Email

Omikron aldaeraren zabalkundeari aurre egiteko neurriak koordinatzea eskatu dute Europar Batasuneko estatuburu eta gobernuburuek, besteak beste, pertsonen mugimendu askea "neurriz kanpo" ez kaltetzeko. Hala eta guztiz ere, ez dute akordiorik lortu eta herrialde asko aldebakarreko erabakiak hartzen hasi dira.

Portugalek, Italiak, Greziak eta Irlandak covid ziurtagiria eta PCR negatiboa eskatuko diete atzerritarrei, baita pauta osoarekin txertatuta dauden europarrei ere.

Frantziak, bere aldetik, PCR negatiboa eskatuko die arrisku epidemiologiko altuko herrialdetik datozen Europar Batasunetik kanpoko bidaiariei, txertatuta dauden ala ez kontuan hartu gabe.

Gaurtik, Frantziak mugak itxiko dizkie Erresuma Batutik bidaiatzen dutenei, txertatuta izan ala ez. Ezinbesteko arrazoi batengatik soilik bidaiatu ahalko dute. Ez dira salbuespen gisa onartuko lan eta turismo bidaiak.

27 herrialdeek pandemiaren bilakaera arretaz jarraitzeko eta txertaketa bultzatzeko deia egin dute. Aurreikuspenak betetzen badira, urtarrila erdialderako omikron aldaera izango da nagusi Europan.

Bestalde, EBko herrialdeek Europako Batzordearen esku utzi dute covid ziurtagiriaren iraungitze data zehaztea. Errefortzu dosirik jaso ezean, bederatzi hilabeteko epean iraungiko da.

 

Hau zure interesekoa bada, baliteke beste gai hauek ere izatea
Munduko albisteak Batasun europarra Erresuma Batua Frantzia albisteak Gaixotasunak Grezia Prentsa digitalaren azken orduko Gaurko azken orduko albistea Italiako berriak Osasun albisteak gaur Lisboa azken ordukoa Irlanda COVID fokuak Covid pasaportea