Mundua -
Errusia
Errusiako Inteligentzia Zerbitzuak beste pertsona bat identifikatu du Daria Duginaren hilketarekin lotuta
Daria Dugina kazetariaren aurkako atentatua prestatzen lagundu izana egotzi dio Errusiako Segurtasun Zerbitzuak Ukrainako hiritartasuna duen gizonezko bati.
agentziak | eitb media
Errusiako Segurtasun Zerbitzu Federalak gizonezko bat identifikatu du Daria Dugina kazetari errusiarraren hilketarekin lotuta. Alexander Dugin pentsalariaren alaba abuztuaren 21ean hil zuten bere autoan jarritako lehergailu bat zartarazita.
Errusiako Inteligentzia Zerbitzuaren arabera, erasoa Natalia Vovkek egin zuen, baina Bogdan Petrovich Tsiganenko izeneko ukrainar baten laguntzarekin. Zerbitzu horren esanetan, uztailaren 30ean, azken hori Estoniatik sartu zen Errusian, eta atentatua burutu baino egun bat lehenago atera zen herrialdetik.
Zehazki, leporatzen diote Vovki agiri eta matrikula faltsuak eman zizkiola. Halaber, Moskuko garaje batean lehergailua prestatzen lagundu ziola egozten diote.