Gizon bat auzipetu dute kamioi batean hilda aurkitu zituzten 39 vietnamdarren heriotzarekin lotuta

Marius Mihai Draghici 49 urteko errumaniarra auzipetu egin dute Essexen (Ingalaterra), 2019ko urriaren 23an, kamioi batean hilda aurkitu zituzten 39 migratzaile vietnamdarren heriotzarekin lotuta. 

Draghici abuztuan atxilotu zuten Errumanian, eta gero Erresuma Batura eraman zuten euro-agindu batekin. Orain Essexen dago preso 39 homizidio kargu eta legez kanpoko migrazio delitua leporatuta. Chelmsfordeko Auzitegiak darama kasua.

Gorpuak aurkitu zituzten kamioiaren atoian tenperatura 38,5 ºC-rainokoa zen herritar vietnamdar bakoitzak bidaiagatik 11.650 eurotik gora ordaindu bazuen ere.

Kamioia Belgikako Zeebrugge hiritik iritsi zen Essexeko Purfleet portura itsasontziz.