Taraneh Alidoosti aktore irandarra atxilotu dute istiluak "sustatzea" leporatuta

Taraneh Alidoosti aktore irandarra, herrialdeko aktore onenetako bat, atxilotu egin dute istiluak sustatzea leporatuta, bertako hedabideek azaldu dutenez.

Hamshari Online hedabidearen arabera, "eduki faltsuak eta nahasgarriak zabaltzeagatik, istiluak sustatzeagatik eta Irainen aurkako mugimenduak babesteagatik" atxilotu zuten.

Tarane Aliddostik (Teheran, 1984) hamaika sari jaso ditu, eta "The Salesman" ("Forushandeh" pertsieraz) filmaren protagonista izan zen, 2017an atzerriko pelikula onenaren saria jaso zuenarena.

Mahsa Aminiren heriotzarekin lotutako protesten harira izan da atxiloketa. Moralaren Poliziak atxilotuta hil zen Amini belo islamikoa gaizki jantzita edukitzeagatik, eta horrek protesta oldea piztu zuen Errepublika Islamikoan.

Hiru hilabeteko protestaldiak 400dik gora hildako eta milaka atxilotu utzi ditu, eta agintariak atxilotuetako batzuk urkatzen hasi dira, mobilizazioak gelditzeko helburuarekin.