Tyre Nichols hiltzeaz akusatutako bost poliziek otsailean deklaratuko dute epaile baten aurrean

Tyron Nichols gazte afroamerikarra Memphisen (Tennessee, Ameriketako Estatu Batuak) hiltzeaz akusatutako bost poliziak otsailaren 17an deklaratuko dute lehen aldiz epaile baten aurrean.

Ikustaldi judizialaren helburua da agenteak fidantzapean aske irten daitezkeen edo atxilotuta jarraitu behar duten zehaztea. Izan ere, Nicholsi jipoia eman zioten agenteak, guztiak afroamerikarrak, atxilotu dituzte, eta guztiek zazpi zigor karguri egin beharko diete aurre, 15 eta 60 urte arteko espetxe zigorra duen bigarren mailako hilketa barne.

Agenteek Nichols geldiarazi zuten joan den urtarrilaren 7an, trafikoko arau-hauste bat egitea egotzita. Hura atxikitu ondoren, joan den ostiralean ezagutarazitako bideo batzuen arabera, poliziek jipoia eman zioten Nicholsi, buruan ostikoak emanez eta irainduz.

Nichols, 29 urtekoa, hiru egun geroago hil zen ospitalean.