Bidenek dio zorpetze mugari buruzko akordioa prest dagoela Kongresura bidaltzeko

AEBko presidente Joe Bidenek bart esan du zorpetze mugari buruz Kevin McCarthy errepublikanoen Ordezkarien Ganberako buruzagiarekin lortutako akordioa prest dagoela Kongresuan eztabaidatzeko.

"McCarthy presidenteak eta nik neuk ituna erdietsi dugu, gerta zitekeen krisirik larriena eragozteko", adierazi du AEBko presidenteak.

AEBko herriarentzat "albiste ona" dela iritzita, Kongresuari eskatu dio lehenbailehen onar dezala. Twitterren duen kontu ofizialean egin ditu adierazpenok.

Kazetarien galderei erantzunez, bestalde, azaldu du "aurrerapauso garrantzitsua" dela, "hainbeste kostatu zaigun ekonomiaren susperraldia" babesten duelako, eta bi aldeen arteko konpromisoa adierazten duelako: "Inork ez du nahi zuen guztia lotu, baina hori da gobernu bat zuzentzearen ardura", erantsi du.