Zer egingo dute Patxi Lopezen sailburu ohiek?

- Patxi Lopez, lehendakari ohia: Ajuria Enea utzi eta gero, PSE-EEko idazkari nagusiak sozialisten Eusko Legebiltzarreko bozeramaile gisa hasi du legegintzaldia. Askok ibilbide politikoa Madrilen, PSOEn, jarraituko duela uste dute, baina hark ukatu egin du.

- Rodolfo Ares, Herrizaingo sailburu ohia: Jaurlaritza hauteskundeak egin baino bi hilabete lehenago utzi zuen, PSE-EEren hauteskunde kanpaina koordinatzeko. Madrilera joango direnen kinieletako beste klasiko bat.

- Idoia Mendia, bozeramaile eta Justizia eta Administrazio Publiko sailburu ohia: Legebiltzarkide da urriaren 21eko hauteskundeen ostean.

- Rafael Bengoa, Osasun eta Kontsumo sailburu ohia: Barack Obama AEBetako presidentearen Gobernuko aholkularia izango da osasun sistemaren erreforman.

- Carlos Aguirre, Ekonomia eta Ogasun sailburu ohia: Energiaren Euskal Erakundera itzuliko da. Jaurlaritzan sartu baino lehen, bertako Giza Baliabide, Kalitate eta Sistema zuzendaria izan zen.

- Bernabe Unda, Industria eta Berrikuntza sailburu ohia: Navantiara itzuliko da. Aldez aurretik, zuzendari izan zen bertan.

- Gemma Zabaleta, Enplegu eta Gizarte Gaietako sailburu ohia: Politika utzi du, baina PSE-EEko militante izaten jarraitzen du. Irakasle da Gipuzkoako institutu batean.

- Isabel Celaa, Hezkuntza, Unibertsitate eta Ikerketa sailburu ohia: Legebiltzarkide eta PSE-EEko zuzendaritzako kide da.

- Pilar Unzalu, Ingurumen eta Lurralde Antolakuntzako sailburuorde ohia: Funtzionarioa da Arabako Aldundian, eta itzuli egingo da kargu horretara.

- Iñaki Arriola, Etxebizitza, Herri Lan eta Garraio sailburu ohia: Legebiltzarkide eta PSE-EEko zuzendaritzako kide.

- Blanca Urgell, Kultura sailburu ohia: Euskal Herriko Unibertsitatera (EHU) itzuli da, Lengoaren Historiako irakasle gisa, Arabako campusean.