Segiko 5 kideen aldeko manifestazioa deitu du Eleak mugimenduak

Errenteriako bost gaztek kartzelara joateko duten arriskua salatzeko manifestazioa deitu du Eleak mugimenduak hilaren 19rako, Donostian.

Segiko kide izatea egotzita, Auzitegi Gorenak sei urte eta erdiko espetxe zigorra berretsi zien bost gazteri abenduaren 18an, eta, bost gazte horietatik hiruk "ezkutatzea" erabaki dutela iragarri zuten atzo, bideo baten bitartez.

Eleak mugimenduak salatu duenez, gazte hauen ''militantzia politikoak'' eraman ditu ''muturreko egoera'' horretara. Mugimendu horretako ordezkariek salatu dutenez, herritar guztiek jarrera horrekin bat egiteko aukera izan behar dute ''modu berean'', eta horrek ezin du ''kartzela zigorrik'' eragin.