Gobernuko ordezkariak: 'Goñi atxilotuko dute Iruñean agertzen bada'

Carmen Alba Gobernu Zentralak Nafarroan duen ordezkariak ohartarazi duenez, Estatuko Segurtasun Indarrek Luis Goñi Segiko kide izateagatik sei urteko kartzeka-zigorra jaso duen gaztea atxilotuko dute bihar, igandea, Iruñean agertzen bada, bi hilabetez ihesean egon ostean.

Goñik ihes egin zuen ezarri zioten zigorra ezagutu zuenetik eta, azken egunotan jakinarazi duenez, bihar kalera "aterako" da Iruñean, egitekoa den "indarkeriarik gabeko desobedientziaren" aldeko manifestazio baten ostean.

Gazteak iragarri duenaren arabera, ez du manifestazioan parte hartuko, baina bukatutakoan aterako da, eta manifestaziora doazenak bere "atxiloketa saihesten saiatuko dira, indarkeriarik gabeko desobedientziaren bidez", Donostian eta Ondarroan duela hilabete batzuk bezala, "herri harresi" batek beste atxiloketa batzuk oztopatu zituenean, nahiz eta azkenik atxiloketok burutu.

"Terrorismo delitu batengatik pertsona bat zigortu dute, eta manifestazioa baino lehen, bitartean edo ondoren topatzekotan, atxilotuko dute. Hori da egin behar duguna, eta ez dago ezer gehiago esaterik", gaineratu du.