Politika -
De Andres: 'Armak entregatu behar dituzte, ez kutxa batean gorde'
ETAk behin betiko armak entregatzen baditu “nekearen nekeaz” egingo duela esan du eta Diputazioak ez diela egiaztatzaileei dirurik eman azpimarratu du.
Javier de Andres Arabako ahaldun nagusiak esan du ETAk “nekearen nekeaz” armak entregatuko dituela eta armak ezin direla “kutxa batean gorde”. “Entregatu behar dituzte, egindako delituen eta hilketen froga judizialak direlako”, gaineratu du.
Arabako diputatu nagusiaren ustez, desarmearen inguruan Jaurlaritza “erratu” egin da, eta Jonan Fernandez Gobernuko Bake eta Bizikidetzarako idazkariak Lizarrako Hitzarmena babestu zuela gogoratu du. “Ez nuke irtenbidea Fernandezekin bilatuko”, azpimarratu du. De Andresek nabarmendu duenez, konponbidea bilatzeko Legea bete eta estrategiari eutsi egin behar zaio. ETAk behin betiko armak entregatzen baditu “nekearen nekeaz” egingo duela esan du eta, azkenik, Diputazioak ez diela egiaztatzaileei dirurik eman azpimarratu du.
