Gipuzkoa: 'Funesek ez dauka eskumenik kamioiak igarotzea debekatzeko'

Larraitz Ugarte Gipuzkoako Batzar Nagusietako bozeramalearen esanetan, Funesek (Nafarroa) onartutako udal-bandoa, Gipuzkoatik hondakinez beteta datozen kamioiak pasatzea debekatzeko, "bitxia" da, baina ez du "gaitasun juridikorik" igarotzea galarazteko.

Ugartek aurreko astean Isidro Velasco (PP) Funeseko alkateak publikatutako udal-bandoa izan du hizpide.  Alkateak "baimenik ez duten" hondakinak garraiatzea, IB Birziklatze plantara badoaz, debekatu du.

Ugarteren arabera, "bandoak jaso duena gorabehera, ez du gaitasun juridikorik,  ibilbiderik izango ez duen" debekua egiteko.

Gipuzkoako bozeramaleak gaineratu duenez, Funeseko alkateak aurretik ez dauden lekuan "arazoak sortarazteko" erabakia hartu du eta "hedabide mailako kontuak dira, praktikan arazoak sortzen ez dituzten horietakoak".