Kataluniako Parlamentua setiatu zutenek deklaratzeari uko egin diote

2011n Kataluniako Parlamentua setiatu zuten 19 akusatuek deklaratzeari uko egin diote Auzitegi Nazionaleko epaitegiaren aurrean, Estatuaren Erakundeen kontrako delitu bat egiteagatik epaitzen ari dira.

Horiek guztiek Fiskaltzak egindako galderei ez erantzuteko eskubideari heldu diote, eta euren abokatuek edota beste akusatuek egindako galderei ere ez diote erantzun nahi izan.

Fernando Grande Marlaska auzitegiko presidenteak amaitutzat eman du gaurkoz epaiketa, eta bihar ekingo diote berriro ahozko bistari, setioan ziren Ertzaintzako agenteen deklarazioekin.

Herri-salataritzak bost urte eta erdiko zigorra eskatzen du bakoitzarentzat Estatuko Instituzioen aurka egindako delituagatik. Gainera, 7.500 euroko zigorra ere eskatzen du.

Kataluniako Ganberan sartu nahi zuten diputatuentzat 'segurtasun falta' eragin zuen manifestarien jokaerak herri-salatarien ustez.

Atariko ondorioetan diputatuak, eraikinean helikopteroz sartu behar izan zuen Artur Mas lehendakariak barne, manifestariek inguratu eta zailtasunak izan zituzten Parlamentean sartzeko. Batzuek bultzakadak, kolpeak eta objektu jaurtiketak jasan behar izan zituzten.

Akusatuek  diputatuak plenora ez iristeko 'indarkeria erabili zutela'  adierazi du herri-salataritzak. 135 diputatutatik 70 bakarrik iritsi ziren egun horretako bilerara.

Istiluak murrizketen aurkako manifestazio baten barne gauzatu ziren. "Parlamenta geldi dezagun. Ez dugu murrizketak onartzea utziko'lelopean gauzatu zen ekimena eta gauean ezezagun batzuek obretako materialarekin Parlamentuko gunera iristea blokeatu ostean gertatu ziren.

Bideokonferentzia Masen bulegotik

Masek apirilaren 3an Parlamentuko bulegotik bideokonferentzia bat egitea aurreikusita dago.