Lokarrik euskal alderdien arteko elkarrizketa falta kritikatu du

Paul Rios Lokarriko koordinatzaileak "harridura eta kezka handia"erakutsi du euskal alderdien artean dagoen elkarrizketa faltagatik, ETAk jarduera armatua utzi zuenetik bi urte baino gehiago pasatu direnean eta euskal gizarteak inkesta guztietan akordio bat eskatzen duenean.

"Orain ez bada, noiz hitz egingo dute? Zeri itxoiten ari dira, guztia amaitu eta eurek partaidetzarik ez izatera?", galdetu du Riosek, Bilbon emandako prentsaurrekoan.

Lokarriren koordinatzailearen hitzetan,  "bake prozesua" egonkortzeak "gertaera argiak eta zehatzak" behar ditu, era ezberdinetan interpreta ez daitezkeenak, horien artean, ETAk bere desarmea "osatu" behar du, "zuhurtziazko" denboran, Gobernuak presoak Euskadirik urreratu behar ditu eta euskal alderdiek Legebiltzarreko lantaldean lanari ekin behar diote.

"Berdin du era publikoan edota guztiz pribatuan izatea, baina eztabaidatu dezatela", eskatu du.

Riosen ustez, alderdien arteko akordio batek "guztia desblokeatuko lukeen katarsia" eragingo zukeen, eta beste puntuetan "aurrerapen garrantzitsuak" erraztuko lituzke.

Riosek alderdi politikoei "autokritika" egitea eskatu die, "hitz egiteko prest ez daudela esateko arrazoirik ez dagoelako".