Politika -
Aberri Eguna
Quiroga: 'ETAk bere iraganaren azterketa kritikoa egin behar du'
Euskadiko PPren buruaren esanetan, ETAk berea inposatzen jarraitu nahi du Euskadin, baina "ez du inola ere euskal gizartean eragiten".
Erredakzioa
Arantza Quiroga Euskadiko PPren presidenteak ETAk Aberri Egunaren harira plazaratutako agiriaren inguruan esan duenez, erakundeak berea inposatzen jarraitu nahi du, baina " ez du inolako eraginik euskal gizartean ", eta ETAri bere iraganaren azterketa "kritikoa" egitea eskatu dio.
Quirogaren esanetan, ETAren "inposaketa horrek jarraitu egiten du, oraingoan beste agiri bat kaleratuta eta denon ahotan egon nahian. Baina gizartearen gehiengoak ez ditu agiriok kontuan hartzen, eta horrek beste behin ere argi erakusten du ez duela bat ere eraginik gizartean. Benetan nahi duguna behin betiko desagertzea da", azpimarratu du.
“ETAk egin behar duena”, esan du Arantza Quirogak, "bere iragana aztertzea da, eragindako mina aztertu; proposatzen eta planteatzen dituen horiek guztiek ez baitute inongo sinesgarritasunik, eragindako mina aitortu ezean".
