Madrilgo Auzitegiak delitutzat jo du Aguirreren zirkulazio-ezbeharra

Esperanza Aguirre Madrilgo presidentea balizko agenteen aurkako desobedientziaren delituagatik epaitu egin behar dela uste du Madrilgo Probintzia-Auzitegiak. Zirkulazio-ezbeharra apirilean izan zen, Kale Nagusian.

Probintzia-Auzitegiko Seigarren Sekzioko magistratuek Gardentasun eta Justizia elkarteak Madrilgo 14 zenbakiko Instrukzio-Epaitegiaren aurka jarritako helegitea onartu du partzialki, faltengatik bakarrik epaiketa egitearen erabakiaren aurka, ostiral honetan sinatutako autoaren arabera.

Salatutako gertaeren “akreditazioari eta errealitateari buruzko balorazioetan” sartu gabe, auzitegiaren ustez agenteei desobeditzeko balizko delitutzat izapidetu behar dira. Zigor Kordeko 556 artikuluak jasotzen du hori.

Artikulu horrek “agintariei edo agenteei aurka egiten dieten” pertsonei buruz hitz egiten du, “era larrian desobeditzen dietenen” inguruan. Sei hilabetetik urtebeterako kartzela-zigorra izan dezakete.

Autoaren arabera, salatutako gertaerak “desobedientzia gogorra, tematia eta bihurria izan” daitezke, “desobedientziaren hainbat jardueragatik” Udaltzaingoko Mugikortasun agenteen aurka. “Agenteei gutxiespen adierazpenak ere egin zizkien”, autoak irakur daitekeenez.

Aguirre: ‘Autoak ez dio inolaz ere ezbeharra delitua izan denik’

Twiterren bitartez, Esperanza Aguirrek esan du autoak ez dioela “inolaz ere” apirilean Kalea Nagusian izandako zirkulazio-ezbeharra delitua izan zenik.

Gobernuak “errespetu osoa” erakutsi du

Ministroen Kontseiluaren ostean, Gobernuak erabaki judizialengatik duen “errespetu osoa” erakutsi du Soraya Saenz de Santamaria Gobernuko presidenteordeak “eragiten dion pertsona dena dela ere”: “Gobernuak egin behar duena mantenduko du independentzia judizialari errespetua izanez”, nabarmendu du.

UPyDk errespetua erakutsi du

Luis de Velasco Madrilgo Batzordean UPyDko bozeramaileak Madrilgo Auzitegiaren erabakia errespetatzen duena azaldu du, Esperanza Aguirreren zirkulazio-ezbeharra delitutzat jo izanaren harira.