Ezker Batuak alderdi izateari utzi dio

Ezker Batuak alderdi izateari utzi dio ostiral honetan, eta Ezker Berdeak plataformarekin bat egin du, beste organizazio batzuekin batera. Podemosekin “bateratzea” espero du plataformak.

Ezkerra Berdeak plataformak ez duela 2015ean Euskal Herrian egingo diren udal eta foru hauteskundeetara aurkezteko asmorik iragarri du. “Herritarren hautagaitzak babestuko” dituela azaldu du.

Bilbon eman duen prentsaurrekoan, Jose Navas Ezker Batua alderdiko buruzagiak Ezkerra Berdeak plataforma ezagutzera eman du, alderdi politikoaren, Herritarren Plataformaren eta ARCS kolektibo errepublikanoaren “konbergentziazko prozesu” batean.

Navasek azaldu duenez, plataforma berriak Ganemos mugimendua du “erreferentzia”, eta Podemosekin “bateratzea” espero duela gaineratu du, oraingoz, “errespetuzko itxaronaldian” mantentzen den arren, Pablo Iglesiasen alderdiak barne-prozesu osagarria buka dadin.

Halaber, Javier Madrazo Ezker Batuko koordinatzaile nagusi ohika Podemos-Ahal Dugu zirkuluan parte hartzea “normaltasunez” eta “lasaitasunez” ikusten duela adierazi du. “EBko kargu publikoak ere normaltasunez ari dira parte hartzen” foro horietan, gaineratu du.