Politika -
EAE-ko Aurrekontuak
PSEk ahalbidetu egingo du 2015eko Aurrekontuak onartzea
Sei legebiltzarkide sozialistak alde bozkatuko dute, eta gainerako hamarrak abstenitu egingo dira.
Erredakzioa
PSE-EEren zuzendaritzak Eusko Jaurlaritzaren 2015 urterako Aurrekontuak onartzea ahalbidetzea erabaki du, aho batez. Bozketa hilaren 23an egingo dute, eta talde sozialistaren sei legebiltzarkidek alde bozkatuko dute. Gainerako 10ak, aldiz, abstenitu egingo dira.
Sei boto horiekin, EAJk onartu ahal izango ditu Aurrekontuak, 33 eserleku batuko baitituzte, eta EH Bilduk, PPk eta UPyDk (aurka egingo dutenak), aldiz, 32.
Agiri batean, Aurrekontuak onartzea ez ahalbidetzeak aurtengo aurrekontuak luzatzea ekarriko lukeela gogorarazi du PSE-EEk, "eta, beraz, larrialdiko laguntza sozialak eta epe luzeko langabeentzako laguntzak gutxiago izango lirateke".
