Politika -
Presoen zigor pilaketa
Espainiako Gobernuak errespetatu egingo du Gorenaren irizpidea
Auzitegi Nazionalaren aretoek irizpide ezberdinak ezarri dituztenez, Exekutiboak "harridura" agertu duela esan du Santamariak.
Erredakzioa
Soraya Saenz de Santamaria Espainiako Gobernuko presidenteordearen esanetan, Mariano Rajoyren Exekutiboak errespetatu egingo du Auzitegi Gorenak ETAko presoen zigor pilaketari buruz ezarriko duen irizpidea.
Ministroen Kontseiluaren osteko agerraldian, Gobernuak “legea” eta “justiziaren independentzia” defendatuko dituela esan du Santamariak, baina Exekutiboak “harridura” agertu duela ere aipatu du, Auzitegi Nazionalaren aretoek irizpide ezberdinak ezarri dituztelako gai honetan.
Atzo, Auzitegi Goreneko hamahiru epailek Espainiako Gobernuaren aurka egin zuten, justiziari kritika egiteagatik.
Santamariaren esanetan, justiziak ETAko hainbat preso aske utzi izana “harriduraz” hartu du gizarteak, batik bat Auzitegi Nazionalaren barruan erakutsitako irizpide ezberdinak ikusita.
