Politika -
Jon Anzaren desagerpena
Anzaren ikerketan akatsak egin zituela aitortu du Frantziako Justiziak
Hala eta guztiz ere, ez du Frantziako Estatuaren "akats larririk" atzeman, eta errefusatu egin du familiaren salaketa eta kalte-ordain eskaera.
agentziak | erredakzioa
Frantziako Auzitegiak aitortu du Justiziak akatsak egin zituela Jon Anza ETAko kidearen heriotzari buruzko ikerketan, baina Estatuak ez omen zuen "akats larririk" egin, Maritxu Paulus-Basurco senideen abokatuak jakitera eman duenez.
Familiak "akats pilaketa" salatu zuen Baionako Polizia Judizialaren jardunean, eta Fiskaltzak eta Tolosako (Okzitania) Poliziak ez zutela ikerketarik egin.
Auzitegiak aitortu egin du Fiskaltzak eta Tolosako Poliziak ez zutela ikerketarik egin, baina ez du Estatuari ardura leporatzeko moduko "akats larririk”" ikusi. Hori dela eta, errefusatu egin dute familiaren salaketa eta kalte-ordain eskaera.
Fiskaltzak onartu zituen aipatu akatsak apirilaren 1ean, eta senideak harrituta geratu dira orain ebazpenarekin; horregatik, helegitea aurkeztu ala ez aztertzen ari dira.
Kasua
2009ko apirilaren 29an aurkitu zuten Jon Anza Tolosako kale batean. Bihotz eta arnas gelditzean zegoen eta erreanimatu ondoren Purpango Erietxean ingresatu zuen. Maiatzaren 11an hil zen. Deposituan identifikatu gabeko gorputz bat zegoela, ordea, hilabete batzuk beranduago eman zuten jakitera, 2010eko martxoan.
