Politika -
Quirogak dimisioa eman du
Ortuzarrek 'zorte onena' opa dio Quirogari
EAEko PPko presidente ohiak politika "dotore" utzi duela adierazi du buruzagi jeltzaleak.
AGENTZIAK | ERREDAKZIOA
Andoni Ortuzar EAJko presidenteak "zorte onena" opa izan dio Arantza Quiroga EAEko PPko presidente ohiari, gaur goizean dimisioa eman eta gero, eta politika "dotore" utzi duela gaineratu du.
Buruzagi jeltzaleak Facebooken azaldu duenez, Quirogak telefonoz deitu dio, bere erabakiaren berri emateko eta agurtzeko.
"Zorte onena opa izan diot. Quirogak eta biok desberdintasun ugari izan ditugu azken aldian, ez dugu izan harreman onena, baina Arantzak dotore utzi du politika", esan du.
"Politika uztea ez da erabaki erraza", aitortu du Ortuzarrek.
Bestalde, EAJk "errespetua" agertu du Quirogaren erabakiaren aurrean.
