Itxi

2015/10/29

18:05

Politika

San Antonio auzia

Kontu Auzitegiak epaitu egingo ditu Alfonso Alonso eta Javier Maroto

AGENTZIAK | ERREDAKZIOA

Lokal batzuk zegokiena baino garestiago alokatu izana egotzi diete PPko bi buruzagiei.

  • Javier Maroto eta Alfonso Alonso. EFE

    Javier Maroto eta Alfonso Alonso. EFE

  • Whatsapp
  • Whatsapp
  • Telegram
  • Bidali

Espainiako Kontu Auzitegiak epaiketa egingo die Alfonsoko Alonso EAEko PPko presidente eta Osasun ministroari, Javier Maroto Gasteizko alkate ohi eta PPko Sektore idazkariari eta 2007an Arabako hiriburuaren udal gobernuan zeuden beste zazpi pertsonari, lokal batzuk behar baino garestiago alokatzea egotzita.

EFE agentziak jakinarazi duenez, aldeek (Gasteizko Udala eta EAJ-PSE) aurkeztutako salaketak "epaiketa arrunt batean" aztertuko dituzte, ustezko iruzurra 6.000 eurokoa baino handiagoa baita.

Gaur publikatutako auto batean, Kontu Auzitegiak arrazoia eman die EAJri eta PSEri, Gasteizko Udalari "zehaztu gabeko" kaltea egin diotelako.

Kontu Auzitegiko fiskalaren esanetan, Gasteizko altxor publikoari egindako kaltea 500.000 eurokoa da. Une horretan, Alfonso Alonso zen alkatea, eta Javier Maroto, aldiz, Ogasun zinegotzia.

Kontu Auzitegiak hainbat hilabete daramatza Alonsoren udal gobernuak 2007an sinatutako alokairua. Hain zuzen ere, Gasteizko San Antonio kaleko lokal batzuk alokatu zizkion Gonzalo Anton enpresaburuari, bulegoak jartzeko, baina prezioa udal teknikariek aholkatutakoa baino askoz handiagoa izan zen.

  • Bisitatuena

      Kargatzen ikusiena
      Kargatzen ikusiena
    ;