Durangok italiar faxisten hegazkinei egindako omenaldia salatu du

Durangoko Udalak italiar faxisten ‘Aviazione Legionaria’ hegazkinei egindako omenaldiak salatu ditu eta Espainiako Gobernuari gertaera ikertzea eskatu dio. Durangoko bonbardaketan, 1937. urtean, 300 pertsonatik gora hil ziren eta herria guztiz suntsiturik geratu zen.

Bozeramaileen Batzordeak aho batez onartu duen testuak “frankistei eta bere aliatuei” egindako gorazarreak “gaitzesten” ditu.

Halaber, Udalak “edozein erregimen totalitarioren goraipamena errefusatzen du”, eta, Espainiako Gobernuari, gertatutako “ikertzea eta neurriak hartzea” eskatu dio.

Falangeak eta Espainiako Italiar Borrokalarien Erakundeak militar faxistei egindako omenaldien ostean sinatu dute akordioa, Udalak azaldu duenez.