EH Bilduk ez ditu baketsu eta demokratikoak ez diren ekintzak babesten

Iker Casanova EH Bilduko legebiltzarkideak gaur azpimarratu duenez, koalizioak ez ditu "bide baketsu eta demokratikoetatik kanpo dauden" ekintzak egiten, sustatzen eta defendatzen. Horrela mintzatu da atzo Gasteizen izandako sabotaje ekintzen gainean galdetuta.

Ernaik bere gain hartu zituen sei kutxazain automatikoren, Iberdrolaren lokal baten eta bi higiezin agentziaren kontra egindako erasoak.

Eusko Legebiltzarreko pasilloetan kazetarien galderei erantzun die Casanovak. Haren hitzetan, "EH Bilduk oso garbi du hasieratik haren jarduera politikoa bide baketsu eta demokratikoetatik egiten dela".

Hori dela eta, koalizioak "ez ditu bide horietatik at egiten diren ekintzak egiten, sustatzen eta defendatzen".