Politika -
Astearte honetan
De Guindosek Ekonomia Batzordean emango ditu Soria auziaren azalpenak
Agerraldia Ekonomia Batzordean eginda, Diputatuen Kongresuan azalpenak ematea saihestuko du jarduneko ministroak.
AGENTZIAK | ERREDAKZIOA
Luis de Guindos jardunean dagoen Espainiako Ekonomia ministroak Ekonomia Batzordean emango ditu 'Soria auzia'ri buruzko azalpenak, astearte honetan, 16:30ean, Alderdi Popularrak eta Ciudadanosek agerraldia babestuta.
Jose Manuel Soria ministro ohia Munduko Bankuko zuzendari exekutibo izateko hautagai izendatu zuten. Hautagaitzak hautsak harrotu zituen, eta Soriak atzera egin behar izan zuen azkenean.
Ekonomia Batzordea arratsalde honetan osatu da Kongresuan, eta Mahaiak eta bozeramaileek begi onez ikusi dute De Guindosek hautagaitza horren inguruko azalpenak “ahalik eta azkarren” ematea.
Talde Sozialistaren ustez, De Guindosek Diputatuen Kongresuan eman beharko lituzke azalpenak, eta, ondorioz, gogor kritikatu du agerraldia Batzordean egitea erabaki izana.
