Politika -
ETAko kide izateagatik
8 urteko zigorra mantenduko du Fiskalak Segiko 17 ustezko kiderentzat
2007an atxilotu zituzten eta Donostian egindako kale indarkeria ekintzekin eta gazte erakundearen aldeko propaganda banaketarekin lotzen dituzte.
Erredakzioa
Auzitegi Nagusiko Fiskaltzak 8 urteko kartzela-zigorra eskatzen jarraituko du Segiko 17 ustezko kiderentzat ETAko kide izateagatik; Fiskaltzaren ustez, kale indarkeria ekintzekin eta gazte erakundearen aldeko propaganda banaketarekin lotuta daude.
Epaiketa joan den ekainaren 28tik ospatzen ari da, eta bertan, Ekaitz de Ibero, Pello Maria Lamarca, Mikel Arretxe, Unai Perez, Egoi Alberdi, Oier Lorente, Adur Fernandez, Aitor Olaizola, Ion Imanol Igal, Asier Mariezkurrena, Imanol Ander Vicente, NahikariOtaegi, Urko Picaza, Breogan Fernandez, Beñat Apalategi, IgorAlvarez eta Ekaitz Ezkerra epaitzen ari dira. Bestalde, Urko Labaka bilatzeko eta atxilotzeko agindu dute.
Epaiketaren lehen egunean Luis Barroso fiskalak ondorioen txostena aurkeztu du. Akusatu guztiek uko egin diote fiskalaren galderak erantzuteari, eta beraz "ez deklaratzeko eskubidea" gauzatu dute, baina "ez dute gauzak argitzeko" eskubidea erabili.
Akusatuek komisarian egindako deklarazioak eta erregistroetan konfiskatutako materiala kontuan hartzeko eskatu dio Barrosok Angel Hurtado epaimahaiko presidenteari. Akusatuen etxeetan egindako erregistroetan, besteak beste, ETAren aldeko pegatinak, Segiko DVDak eta Batasunaren panfletoak aurkitu zituzten.
Akusatuen abokatuek bestalde, aske uzteko eskatu dute; dena den, bihar arte ez dituzte beraien ondorioak aurkeztuko.
Zenbait akusaturen lagunek eta senideek deklaratu dute atxilotuek Segirekin harremanik ez dutela.
