Politika -

BARNE HAUTESKUNDEAK

PSOEren idazkari nagusi izateko hautagaitza aurkeztuko du Sanchezek

Sevillan iragarri du idazkari nagusirako hautagai izango dela Pedro Sanchezek. 'PSOE errekuperatzea' izango dela bere helburua zehaztu du.

Pedro Sanchez, gaur Dos Hermanasen (Sevilla) egindako agerraldian. Argazkia: EiTB
Pedro Sanchez, gaur Dos Hermanasen (Sevilla) egindako agerraldian. Argazkia: EiTB
Mila lagun ingururen babesarekin itzuli da Pedro Sanchez

1:12

AGENTZIAK | ERREDAKZIOA

Whatsapp Facebook Twitter Telegram Email

Pedro Sanchez PSOEko idazkari nagusi ohiak gaur jakinarazi duenez, bere burua alderdiko primarioetara aurkeztuko du, alderdi sozialista berriz ere zuzentzeko, "militantziarena" izango den hautagaitza batekin.

Dos Hermanasen (Sevilla), 1.500 jarraitzaile baino gehiagoren aurrean egin duen ekitaldian, Sanchezek militanteei adierazi die "harrotasunez" gidatuko duela euren "kausa", "askatasun eta autonomia politikoko lezioa emateko".

"Gaur, Dos Hermanasen, Andaluziako eta Espainiako sozialismoaren bihotzean, militantzia guztiari iragartzen dizuet Idazkari Nagusi izateko zuok hautagaia izango naizela", adierazi du Sanchezek, Batzorde Federalak alderdi sozialistaren 39. Biltzarrari data jarri zionetik militanteekin egin duen lehen agerraldi publikoan.

Mintzaldian zehar, "gure onena emateko garaia" dela defendatu du Sanchezek, eta "inoiz baino esperientzia eta gogo gehiago" duela. "Ohore bat izango zuk proiektu kolektiboa gidatzea", gaineratu du.

Lopezek ongietorria eman dio Sanchezi

Modu horretan, Pedro Sanchezen hautagaitza duela bi aste Patxi Lopez lehendakari eta Kongresuko presidente ohiak aurkeztu zuenari gaineratu behar zaio. Azken horrek, bere Twitter kontuaren bidez, ongietorria eman dio Sanchezi "sozialisten proposamenen eztabaidara". "Orain proiektuak bata bestaren aurrean jarri eta militanteek erabaki dezatela", gaineratu du Lopezek.

Hau zure interesekoa bada, baliteke beste gai hauek ere izatea
Alderdi Sozialista Patxi Lopez azken orduko berriak Pedro Sánchez argazkiak Albisteak Gaur Eguneko albisteak