PSOEk eta EAJk eskuduntzen batzordea eratuko dute gaur

PSOEk eta EAJk eskuduntzen aldebiko batzordea eratuko dute asteazken honetan Diputatuen Kongresuan; Espainiako Gobernuak datorren urteko aurrekontuak aurrera ateratzeko joan den urrian PSOEk eta EAJk hitzartu zituzten hogei eskuduntzen transferentzia EAEra.

Transferentzien Batzorde Mistoarekin parez pare lan egingo du batzorde horrek, eta PSOEk eta EAJk hitzartutako hogei eskuduntzen transferentzien kudeaketaz arduratuko da. Sozialistek eta nazionalistek eskumen horiek aurten eta datorren urte bitartean transferitzea adostu zuten.

Eskumen horien artean, besteak beste, lan politika aktiboak, enplegu-erregulazioa, lanerako lanbide-prestakuntza, itsas eta ibaiko garraioa, edo turismo eta bidaia-agentziak daude.

Sozialisten aldetik, Gaspar Zarrias Espainiako Gobernuaren Lurralde Kooperazioko estatu idazkaria, Eduardo Madina PSOEren Espainiako Kongresuko idazkari nagusia eta Jose Maria Benegas PSEko idazkari nagusia izango dira; EAJren aldetik, Aitor Esteban, Emilio Olabarria eta Iñaki Goikotxea izango dira.