Ezker abertzalearen eskutik 'eginak' espero ditu Patxi Lopezek

ETAren iragarpen posible bati buruzko zurrumurruen inguruan, ETAren komunikatu bati "itxaroten" ari ez direla esan du Patxi Lopez lehendakariak, "eginak" baizik, batez ere, ezker abertzalearen eskutik.

TVEn egindako elkarrizketan, azken hilabeteetan "Gernikako Akordioa bezalako hitzaldi eta adierazpen ugari" entzuten ari dira, bertan "politikaren bidetik jo eta indarkeriatik aldendu" nahi dutela esaten dute, baina "beti frustrazioan amaitu duten adierazpen eta hitz asko izan" direla gogorarazi du lehendakariak, "ETAk gure itxaropenak behin eta berriro hautsi dituelako".

"Orain espero duguna eginak dira, demokraziarantz ematen ari diren pauso horiek benetakoak direla demostratzeko. Mundu horrek indarkeriarekin behin betiko apurtzea nahi dugu, demokraziaren printzipioak onartu eta baita politika egiteko, hauteskundeetan parte hartzeko edo erakunde demokratikoetan izateko, hitza bakarrik erabil daitekeela jakitea ere", erantsi du Lopezek. Era berean, bidea "demokratekin lan" egitea dela adierazi du lehendakariak, indarkeria eta terrorismoa "behin betiko desagertzeko".

Ezker abertzaleak urtarrilean alderdi berri bat aurkeztuko duela iragarri du. Ezker abertzaleak Alderdien Legea onartzea nahi du lehendakariak, legedia horrek indarkeria arbuiatzera "behartzen" dituelako, eta baita erakunde terroristarekin duten lotura haustera ere".

Legea betetzeak politika egitera behartzen duela gaineratu du Lopezek, "demokraziaren tresna esklusiboekin" eta "demokratekin lan egitea indarkeria desagertzeko".