Politika -
USTELKERIA
Valentziako Diputazioko presidente sozialista atxilotu dute, ustelkeriarekin lotuta
PSOEren Valentziako zuzendaritzako bozeramailea da Jorge Rodriguez, eta Ontinyent herriko alkatea ere bada.
AGENTZIAK | ERREDAKZIOA
Jorge Rodriguez Gramage Valentziako Diputazioko presidente sozialista atxilotu dute goizean, ustelkeriaren kontrako operazio batean. Divalterra sozietate publikoaren (garai bateko Imelsa) kontratazioetan, 2015. urtean, izandako ustezko irregulartasunak ikertzen ari den Velentziako Auzitegiko epaileak agindu du atxiloketa.
PSOEren Valentziako zuzendaritzako eleduna da Rodriguez, eta Ontinyent herriko alkatea ere bada.
Ustelkeriaren kontrako Valentziako Fiskaltzak jarri zuen salaketa, joan den maiatzean, Divalterra enpresak diru publikoa bidegabe erabili zuelakoan.
Valentziako Diputazioaren, Ontinyenteko Udalaren eta Divalterraren bulegoak miatu ditu Poliziak.
Rodriguezekin batera, Divalterrarekin zerikusia izan zuten beste bi arduradun ere hartu dituzte preso, eta denen etxebizitzak miatu dituzte.