Politika -

Bilera larunbatean

Presoak 'birgizarteratzeko plan' bat garatu nahi dute Foro Sozialak eta EPPKk

Bilera egin dute Alboloteko espetxean, Granadan. Bi aldeak aurten biltzen diren hirugarren aldia da. Foro Sozialak, Sarek eta Etxeratek prentsaurrekoa emango dute asteartean, Bilbon.

Agus Hernan Foro Sozialeko bozeramailea Alboloteko espetxean, Granadan. Argazkia: Foro Soziala
Agus Hernan Foro Sozialeko bozeramailea Alboloteko espetxean, Granadan. Argazkia: Foro Soziala
Agus Hernan Foro Sozialeko bozeramailea Alboloteko espetxean, Granadan. Argazkia: Foro Soziala

Agentziak | Erredakzioa

Whatsapp Facebook Twitter Telegram Email

Presoak “birgizarteratzeko egitasmo bat garatzearen” aldeko apustua egin dute Foro Sozialeko eta EPPK presoen kolektiboko ordezkariek. Larunbatean bildu ziren.

Agus Hernan Foro Sozialeko bozeramaileak Twitter sare sozialean jakitera eman duenez, bilera Alboloteko espetxean (Granadan) egin dute. Bi aldeak aurten biltzen diren hirugarren aldia da. Hernan berak, Jon Olarrak eta Ainhoa Mujikak (EPPK) parte hartu dute batzarrean.

“Preso guztientzako birgizarteratze plan bat garatzeko beharraz eta aukera leihoaz mintzatu gara”, adierazi du.

Zentzu horretan, “zehazten ari den bide-orriari presoek ekarpena egin nahi diote”, azaldu du Hernanek. Foro Sozialak, Sarek eta Etxeratek prentsaurrekoa emango dute datorren asteartean, Bilbon, bileraren xehetasun gehiagoren berri emateko.

 

 

 

 

Hau zure interesekoa bada, baliteke beste gai hauek ere izatea
Politika Presoak ETA Albisteak Bakea Euskadin Espetxe politika