Politika -
18/98 "Makro-sumarioa"
Zazpi urteko kartzelaldia, Unai Hernandez Sistiaga Ekineko kideari
Ezarritako kartzela-zigorra "Ekineko partaide hutsei" ezarritakoaren antzekoa da, sei urte eta bederatzi hilabete, eta zortzi urte eta erdiren artean dago.
Erredakzioa
Auzitegi Nazionaleko zigor-arloko Salako hirugarren sekzioak zazpi urteko kartzela-zigorra ezarri du Unai Hernandez Sistiaga ETAko kidearentzat, 18/98ko "makro-sumarioan" auzipetua izan zen, baina 2005eko azaroaren eta 2007ko martxoaren artean egindako bistan ez zuten epaitu, ihes egin baitzuen.
Epaian Auzitegiak arrazoitu duenez, "auzipetua ia guztiz aske zegoen, ez dakigu entzule askoren artean hitzaldiak ematen zituen Ekinen organizazio berriaren (KASen parekoa) ontasunak kontatzeko", eta horregatik, "Ekineko partaide hutsei" ezarritako kartzela-zigorraren antzekoa ezarri dio, 6 urte eta bederatzi hilabete, eta 8 urte eta erdiren artekoa.
Auzipetuak Ekinen egindako jardueren artean, epaiak bi bilera organikotan izandako parte-hartzea nabarmendu du: 2000. urteko maiatzaren 6an LABeko toki batean Bilbon eta uztailaren 15ean Villabonako Udaletxean.
Sanchez Mendazaren kontrako euroordena
Hernandez Sistiagarekin batera Peio Jon Sanchez, "makro-sumarioko" bista egin zenean Frantzian preso zegoena, ere epaitu behar zuten. Baina azkenean, horrek ezin izan zuen azaldu, Frantziako aginpideek ez ziotelako lurraldetik ateratzen utzi, hala ere, Auzitegi Nazionalak jada euroordena eman du aldi baterako entregatu dezaten.
