Politika -
'Marguello auzia'
'Ondo egituratutako eta antolatutako' sarea dagoela esan du Bengoak
Gabriel Inclan Osasun sailburuordea ustekabean azaldu da Legebiltzarrean. Asteazkenean bezala, bere agintaldian zerbitzuen kontratazioan irregulartasunak egon izana ezeztatu du.
Erredakzioa
"Ondo egituratutako eta antolatutako" sarea dago, adierazi du Rafael Bengoa Osasun sailburuak, ''Marguello auzia'' ikertzen duen Legebiltzarreko batzordean deklaratu aurretik.
Gabriel Inclan Osasun sailburua zenean (1996-2009), zerbitzuen kontratazioan ustezko irregulartasunak izan ziren eta hori ikertzen dabil Ganbarako batzordea.
Egungo Osasun sailburuaren esanetan, Osasun Sailak "irregulartasunak" daudela salatu du , baina "ondo egituratutako eta antolatutako" sarea dagoela frogatzen duten "beste txosten batzuk" ere badaudela azpimarratu du. Jesus Maria Fernandez osasun sailburuordeak Inclan jo zuen ostiralean ustezko kontratazioen arduradun.
Bengoa izan da Batzordearen galderei erantzuten azkena eta orain, batzordeari dagokio txostena eratu eta, egonez gero, erantzunkizunak eskatzea.
