EAJk 'printzipioetan oinarrituta' eskatzen du Sortuk parte hartzea

Iñigo Urkullu EAJren presidenteak ziurtatu egin du bere alderdiak nahi duela Sortu hauteskundeetan parte hartzea, edozein alderdiren parte hartzea gura duten moduan, printzipioek aginduta eta ez kalkuluek buktzatuta.

Halaber, Urkulluk ezeztatu egin du Sorturen legeztatzea babestu izana datozen hauteskundeetan onurarik aterako dutelakoan edo guztiz kontrakoa gertatuko delako, hain justu. "Guk ez dugu kalkulurik egiten printzipioekin", adierazi du.

Horrez gain, kezkatuta agertu da "zantzu judizialak baino, asmoei lotutako iritziak bultzatuta erabaki zezaketelako, legea betetzen dutela onartuta ere".

Urkulluk azaldu duenez, EAJk Sortuk partehartzea nahi du, edozein alderdiren parte hartzea nahi duten moduan "printzipioetan oinarrituta, parte hartzearen printzipioan eta gizarteak elkarbizitza politikoarekiko duen konpromisoari jarraituta osatzen diren erakundeen balioan oinarrituta".

"Alderdi zintzoa gara eta gurean zintzotasun ezak ez du lekurik", adierazi du. Gardentasunari dagokionez, eurek kudeatzen dituzten erakundeak izan ditu adibide "irekiak direlako eta daudelako eta gardenak direlako eta izan behar direlako".