ETAk hil zuen Froilan Elespe Lasarte-Oriako zinegotzia omendu du PSE-EEk

Gipuzkoako sozialistak omenaldia egin diote Lasarte-Orian PSE-EEko zinegotzia zen Froilan Elesperi. ETAk duela 18 urte hil zuen.

Eneko Andueza Gipuzkoako PSE-EEko idazkari orokorrarekin batera, ekitaldian Idoia Mendia idazkari orokorra, Odon Elorza, Denis Itxaso, Jesus Eguiguren eta Jesus Zaballos Lasarte-Oriako alkatea ere izan dira. Tomasi Pelaz, Elesperen alarguna, eta Josu eta Andoni semeak eta gainontzeko senideekin batera izan dira.

Hitzaldian, Anduezak Joseba Egibarren adierazpenak kritikatu ditu. Lazo horiak "adierazpen askatasuna" direla esan du, eta Anduezak esan duenez, "lazo horiek Kataluniako erakundeetan jartzea ETAren kontra euskal instituzioetan jartzen ziren pankartekin alderatu ditu; horiek askatasunaren eta bakearen aldekoak ziren, ETAri gelditzeko eskatzeko, eta baketa eta askatasuna euskal herritar guztiei itzultzeko eskatzeko".

Zentzu horretan, Gipuzkoako sozialisten idazkari orokorrak esan duenez, "Euskadin gehiegi sufritu da", eta "horren froga" Elespe bera da, "desberdin pentsatzeagatik, sozialista izateagatik, Lasarte-Oriaren alde lan egiteagatik eta, batez ere, bakea, askatasuna, elkartasuna eta justizia defendatzeagatik hil zutelako".

Modu horretan, "euskal herritarren askatasunaren aldeko oihua eta ETAren aurkako borroka Kataluniako gobernua egiten ari den erabilpenarekin alderatu daitekeen" galdetu du. "Sozialistek ezetz diogu", esan du.

Egibarren adierazpenak "terrorismoaren biktimenganako, mehatxatu guztienganako, ETAri aurre egin zion eta kalera 'aski da' esateko irten zen gizarte osoarenganako errespetu falta bat dira".

Idazkari orokorrak sozialistei "harrotasuna" izatera eskatu die, "ordezkatuta gauden udalerrietan lan egiten jarraitzeko", eta bate ere, Elespek Lasarte-Oriako Udalean egin zuen lana eta "gaur egun talde sozialistak egiten jarraitzen duen lana" nabarmendu ditu.