'Politikariek ez dakite gizartearen beharrei erantzuten'

Biarritzen uda honetan izango den G7ko goi-bilerak "antzerki kutsua" duela adierazi du Manu Lezertua EAEko arartekoak Radio Euskadiko 'Crónica de Euskadi-Fin de semana' saioan eskainitako elkarrizketan. "Klima-aldaketari, pobreziari, haurren babesari eta migrazioei dagokienez, goi-bilerak ez ditu irtenbide zehatzik proposatuko", kritikatu du.

Frantzia prestatzen dabilen muturreko segurtasun neurrien inguruan, Lezertuak esan du muga gainditu nahi dutenen artean "frustrazioa" eragin ditzaketela, baina aitortu duenez, "bere orden publikoa kolokan dagoenean, Frantziak beti jokatu du horrela".

Arartekoak iragarri duenez, adingabeen abusuei aurre egiteko protokoloa aurkeztuko diela laster horrekin lotutako erakunde guztiei.