PPren emaitza 'erabateko porrota' izan dela adierazi du San Gilek

Euskadiko Alderdi Popularrak azken hauteskundeetan izandako emaitza "erabateko porrota" izan dela uste du Maria San Gil EAEko PPko presidente ohiak. Era berean, Mariano Rajoyk Bilduren aurka "gogorrago, irmoago eta argiago" ekin behar izan duela azpimarratu du San Gilek.

"Bilduri buruz gehiago hitz egin behar izan du espainiar guztiei eragiten digulako. Rajoy ez dut zoriondu eta publikoki pentsatzen dudana esan ez izana nahikoa dela uste dut", ziurtatu du San Gilek XL Semanal aldizkarian egindako elkarrizketan, En la mitad de mi vida liburuaren aurkezpena dela-eta.

Euskadiko PPko agintari ohiaren ahotan, bizitzan sinisten den gauza bat defendatu behar da eta Euskadiko emaitza "hondamendi" bat izan da. "20 urte atzera egin ditugu, askok aurre egiten ez dutelako eta beste batzuk alboz jartzen direlako", erantsi du.

San Gilen ahotan, gertakari guztiek arrazoia ematen diote: "Duela lau urte Bildu legezko izango zela eta nire alderdiko presidenteak kanpainan beraiei buruz hitz egingo ez zuela kontatu banu, zoratu egin nitzela pentsatuko zuketen".