Itxi

Politika

Eskumenak

EAEk 468.000 euro kenduko dizkio kupoari hiru transferentzia berriengatik

Agentziak | Erredakzioa

Farmazia gaien, eskola aseguruen eta lan-erregulazioko espedienteek eragindako langileentzako laguntzen eskuduntzen zenbatekoa 7,5 milioi euroan ezarri dute.

  • Botika gaiak

    Botika gaien eskuduntza Eusko Jaurlaritzaren esku geldituko da. Argazkia: Efe.

Behin Eusko Jaurlaritzak farmazia gaien, eskola aseguruen eta ohiko erretiroa hartu baino lehen lan-erregulazioek harrapatutako langileentzako laguntzen eskuduntzak bere gain hartuta, Euskal Autonomia Erkidegoak 468.000 euro gutxiago ordainduko dizkio Estatuari urteroko kupoan.  

Gobernu Kontseilua bukatutakoan, Josu Erkoreka Jaurlaritzako bozeramaileak hizpide izan du atzo Carolina Darias Lurralde Politikako eta Funtzio Publikoko ministroarekin  izan zuen bilera telematikoa, EAEri emateko dauden eskuduntzen egutegiaz hitz egiteko izanikoa.

Konfinamenduaren deseskalatzeko “3 fasera igaro bezain laster” hartuko du EAEk hiru eskuduntza berrien ardura. Erkorekak zehaztu duenaren arabera, eskuduntzen zenbatekoa 7,5 milioi euroan ezarri dute.

Hartara, bozeramailearen hitzetan, Eusko Jaurlaritzak diru horren % 6,24, hots, 468.000 euro, kenduko du Estatuak eman ez dizkion konpetentziengatik urtero ordaintzen duen kupotik.

Bi gobernuok emateko dauden 32 eskuduntzak eskualdatzeko kronograma bat hitzartu zuten otsailean, laugarren eta azken fasean Gizarte Segurantzaren kudeaketa ekonomikoa biltzen duena. Erkoreka eta Espainiako ministroak egindako bileraren ostean, COVID-19aren krisiak etendako egutegiari berrekin diete.

  • Bisitatuena

      Kargatzen ikusiena
      Kargatzen ikusiena