Itxi

2020/09/15

19:18

Politika

Espetxe-politika

Espainiako Estatu osoko alderdi ugarik espetxe politika aldatzeko eskatu dute

agentziak | erredakzioa

ERC, EAJ, EH Bildu, JxCat, Cup, Mas Pais, BNG, Compromis, Geroa Bai eta Mes per Mallorca alderdiek adierazpen bat sinatu dute "garai berrira egokitutako espetxe legedia" aldarrikatzeko.

  • Presoen eskubideen aldeko manifestazioa Iruñean. Argazkia: Efe

    Presoen eskubideen aldeko manifestazioa Iruñean. Argazkia: Efe

  • Whatsapp
  • Whatsapp
  • Telegram
  • Bidali

ERCren, EAJren, EH Bilduren, JxCaten, CUPen, Mas Paisen, BNGren, Compromisen, Geroa Bairen eta Mes per Mallorcaren Kongresuko bozeramaileek adierazpen bat sinatu dute euskal presoentzako salbuespenezko espetxe politikaren amaiera eskatzeko, Igor Gonzalez ETAko presoa ziegan hil zela eta.

Adierazpen bateratuan, hamar alderdi sinatzaileek hau eskatzen diote Espainiako Gobernuari: "Garai berrira egokitutako espetxe legedia, eskubideak errespetatuko dituena, urruntzearekin amaituko duena eta euskal gizarteak eskatzen duen normalizazio, baketze eta bizikidetza eraikitzeko helburuetan oinarrituta egongo dena".

Adierazpenak jasotzen duenez, Gonzalez irailaren 4an aurkitu zuten hilda Donostiako Martuteneko espetxeko ziegan, baina "2020ko martxoan utzi behar zuen espetxea, auzitegiek ezarritako zigorraren hiru laurdenak bete zituelako".

Gainera, hamar alderdiek sinatutako testuak jasotzen duenez, "Gonzalez gaixo eta tratamenduan zegoen, eta baldintza horiek tratamendua kartzelatik kanpo jarraitzeko aukera ekarri behar zuten".

Horregatik guztiagatik, hamar alderdi horien bozeramaileek uste dute "Estatuak askatasunik gabeko pertsonen bizitza zaindu behar duela, baina kasu honetan hori ez da bete".

Sinatzaileen iritziz, eskubide horiek ez betetzeak espetxean hiltzera eraman du Gonzalez, eta, beraz, uste dute ez direla "haren heriotza ekidin zezaketen beharrezko neurri guztiak hartzen".

  • Bisitatuena

      Kargatzen ikusiena
      Kargatzen ikusiena
    ;