Arana: 'ETA inoiz baino isolatuago dago'

Mikel Arana EBko legebiltzarkideak esan du ETA "inoiz baino isolatuago" dagoela, Donostiako Bake Konferentziako partaideek iragarritako adierazpenaren ondoren. Bilbon egin duen agerraldian, Aranak adierazi du atzoko adierazpena "euskal gizartearen gehiengoarekin bat" datorrela, baita bere alderdiaren jarrerarekin ere.

Berritasun gutxi jasotzen dituen adierazpena dela esan du, aspalditik euskal gizartean barneratutako puntuak bildu egiten dituelako. Hala ere, nazioarteko adituen parte-hartzea azpimarratu du Aranak.

Alderdi politikoei "alderdikeriak baztertzeko" eskatu die eta hauteskundeetatik "haratago" begiratzeko exijitu die, Euskadik bakea lortzeko helburuarekin bat egiteko.