Politika -
Erreakzioak: AEB
ETAren adierazpenaren 'seriotasuna' zehazteko itxarongo dute AEBek
AEBetako Estatu Departamentuak azaldu duenez, erabakiaren "seriotasuna, balioa edo borondatea zehazteko" denbora beharko dute.
Erredakzioa
ETA erakunde terroristaren komunikatua baloratzea baztertu du gaur AEBetako Estatu Departamentuak, erabakiaren "seriotasuna, balioa edo borondatea zehazteko" denbora behar dutelako.
Mark Toner Departamentuko bozeramaileak azaldu duenez, Espainiako Exekutiboaren erreakzioa ezagutu arte itxarongo du AEBetako Gobernuak. Komunikatuaren nondik norakoak "aztertu bitartean aurrepausoak ematen lagunduko diogu Espainiako Exekutibaori", gaineratu du.
"Erakundearen adierazpena da gaurkoa, baina iraganean antzeko komunikatuak ikusi ditugu. Ez dakigu serioa den, eta zein den mezuaren borondatea", erantsi du Tonerrek.
Clinton
Bestalde, Bill Clinton AEBetako presidente ohiak ongietorria eman dio ETAren erabakiari, baina hartutako konpromisoa betetzeko eskatu dio erakundeari.
"Baldintzarik gabe indarkeria erabat baztertzeko erabakiarekin Europako azken gatazka armatuko biktimak lagun ditzake ETAk", adierazi du Clintonek prentsa ohar batean.
