Mendiak hauteskundeen balizko aurrerapena errefusatu du

Idoia Mendia Eusko Jaurlaritzako bozeramaileak baieztatu duenez, EAJk "grinatsu eta kezkatuta" dagoelako egin dio alderdi jeltzaleak Patxi Lopezi hauteskundeak aurreratzeko eskaera. Mendiak azpimarratu duenez, lehendakariak agintaldia amaituko du.

Radio Euskadin egindako elkarrizketa batean adierazi duenaren arabera, astelehen honetan, lehendakariarekin eta EAJren EBBko presidentearekin, Iñigo Urkullurekin, izandako bileran "ez ginen bat etorri gai horretan". Bilera, Patxi Lopezek ETAk borroka armatua behin betiko utziko zuela iragarri zuenetik hasitako bilera sortaren barnean dago.

Mendiak adierazi duenez, ez dira hauteskundeak aurreratuko, "egonkortasuna" dutelako eta baita "nahiko gehiengoa" ere. Halaber, azpimarratu duenaren arabera, eskaera horrek,  EAJk "lehenbailehen" mugitu nahi duela esan nahi du, jeltzaleen inguruan "sagailoa" dagoelako.

Bestalde, zigor-politika aldatzeko aukerari dagokionez, "ez gara bizkortu behar, ona ez delako". Azkenik, astearte honetan, 'Euskadiren Eguna'ren ospakizuna dela eta (Autonomia-estatutuaren urteurrena ere), estatutu-bidea "egokia" dela defendatu du.